قدمات الفرقة الوطنية فحالة اعتقال محمد متزكي، اليوتوبر والفيسبوكي المتخصص في هموز عقارات الاجانب والمغاربة، اليوم فالصباح عند وكيل الملك بالمحكمة الزجرية عين السبع، بعد ما تشد ول البارح متلبس بتسلم كمية من الكوكايين.
القضية حامضة حيت مافيهاش غير استهلاك المخدرات الصلبة ولكن فيها حتى الوساطة في الاتجار في الكوكايين وتسهيل تعاطيه، أي الاتجار في الكوكا.
متزكي شدوه في فيلا فبوركون فكازا ديال واحد السيدة واعتارفات بلي هي عاطياه غير بيت العساس وملي قلبوه لقاو فيه شلا لفافات مصوبة.
والفرقة طيحات المعروف بخرجاته الفيسبوكية اللي تيبين فيها راسو تيعرف القانون وتيحمي الناس، بعد ما تتبعات واحد الموزع تاع الكوكايين حتى وصل كمية لمتزكي.
دابا بجوج مشدودين والبحث مازال غيطيح اخرين.
تعليقات الزوار ( 0 )