-
°C
+ تابعنا

افتتاحية.. بقلم: أمين نشاط

الرئيسية آخر ما كاين كاريكاتير: استقطاب جديد وقوي للإرهـ.ابي محمد حاجب لتعويض الأستاذ محمد زيان..

كاريكاتير: استقطاب جديد وقوي للإرهـ.ابي محمد حاجب لتعويض الأستاذ محمد زيان..

كتبه كتب في 31 ديسمبر 2022 - 1:38 م

الاعتقال ديال سي زيان خربق الأوراق ديال الأتباع ديالو لي ولاو بحال ليتامى… لكذوب ديالهوم سالا ما بقى لا موت رحيم ولا بيغاسوس ولا تعذيب ولا تعويض.. القضية عندهوم ميتة داكشي علاش قرر محمد حاجب “أمين سر” زيان ياخد المبادرة و يدير اجتماع مستعجل عبر تطبيق zoom باش يلقاو شي تخريجة..راس العام هذا وضروووري خاصهوم شي بريكول باش يرجعوا للساحة…

غير هو حاجب تصيد (كيف ديما)… دار ميركاتو مزيان  وجاب واحد اللاعب جديد للعصابة لكن الاجتماع خرج فالصو…جاب المحامية والحقوقية  و الصحفية والمحللة والمحرمة والخبيرة المسماة   أمال بوسعادة لي عايشة فواحد الجزيرة سميتها قبرص و لي معروفة فاليوتوب كتبقى تهضر حتى كتنعس. كل لايف فيه 7 سوايع..ولي معروفة كذلك ف جميع المحاكم الأوربية منذ سنوات 70 ..رافعة 3700 شكاية..لي حلمات بيه كدير بيه شكاية ..ياسر عرفات…موشي ديان..رونالد ريغان..صائب عريقات…صدام حسين..زين الدين زيدان….وزيد وزيد.. حاجب جاب هاد لحمقة للاجتماع باش يقولو ليها كيفاش خاصها  تدير شكايات بكل المسؤولين المغاربة و فالأخير هي لي صدقات دايرة بيهوم شكاية(بحاجب و رباعتو)…قربلاتها مع وهيبة خورشش وقلباتها معاها حشيان هضرة وسبان…

حاجب : السلاااام عليكم خوتي مرحبا بكم و مرحبا بالضيفة الجديدة ديالنا السيدة أمال بوسعادة…  واش كولشي كيوصلو الصوت مزيان.

المومني: مزيان أخاي حاجب  مزيان غير الصورة شوية ماواضحاش.

وهيبة: وعليكم السلام سي حاجب الصوت مزيان..  الصورة  ضعيفة شوية يمكن الكونيكسيون عندك ضعيفة.

حاجب: أكيد الأخت وهيبة  راني mdepani غير بالويفي ديال جاري أنا قاطعين عليا الاشتراك شهرين هادي ماخلصتوش كيسالوني  لفلوس.

وهيبة: كونتي تقولها أسي محمد كون سيفطت ليك لفلوس باش تخلص را حنا خوت زعما.

أمال بوسعادة: عنداك غير تسيفطي ل سي حاجب  لفلوس و يتقلب عليك حتى هو بحال هداك ديال سبانيا ( نورزينو) خخخخخخ لي فضح باباكوم كولكوم وشوهكوم خخخخ نتي سيفطتي ليه 700 دولار باش يدخل ل Amnesty ساعا دخل باباكوم سوق راسكوم خخخخ.

وهيبة: تهجريه إن شاء الله…ما قالو عليك vache folle حتى فعلا vache folle أنا بعدا عندي 700 دولار  نتي شنو عندك؟

أمال: أنا عندي راجل فيه ميترو و 96 فالطول  وكيوزن 120 كيلو يشدكوم يقسمكوم كولكوم ماشي بحالك نتي راجلك (زيان) فيه نص ميترو فالطول و 60 كيلو ..50 كيلو غير ف فمو خخخخخخ و من لفوق درتو الشوهة فالاوطيل أنا عايقة بيكوم شنو درتي معاه فالاوطيل وإلا ما حشمتيش وسكوتي نرفع عليك دعوة فقبرص.

وهيبة: أسي حاجب شكون جاب هاد لحمقة داكشي لي بقا لينا تكملو لينا هادي ..باراكا غير الضحك لي فينا.

حاجب: الأخت وهيبة غادي نصبرو لحماق ديال الأخت أمال ما عندنا ما نديرو خاصنا تدعيم الصفوف ضعنا فمحامي (زيان) وعوضناه بمحامية واخا محامية حمقة ومزورة ولكن ضروري باش نحميو ظهرنا.

أمال: خخخ مال ظهرك نتا مالو… درتي ليه سواك و قريب تولي مليونير خخخخ أنا راني عايقة بيك إرهابي مقطع وإلا كدبتيني نرفع عليك دعوة حتى نتا فقبرص.

المومني: الله يخليكوم براكا من الصداع ندوزو للمعقول أنا مشارجي غير 4 دراهم و الكونيكسيون قريبة تسالي.

أمال: سي زكريا هذا…سعادتك وهنيئا لك كولشي فالمغرب ما كاين غير زكريا زكريا خخخخخ.

المومني: بصح ألالا  أمال؟ واش بصح؟ إذن لمغاربة سمعو كلامي و قريب غادي يديرو الثورة برافو برافو.

أمال: خخخخخخ سير الله يسلط عليك شي ثور ينطحك شكون عاقل عليك يا النصاب خخخخخ أنا هضرت على زكريا ..زكريا بوخلال ديال الكرة لي جاب العز للمغرب وجاب معاه مو لدار المخزن بالقيمة والشان ماشي بحالك نتا  يا النصاب لي جبتي مراتك ل أوطيل تسعى بيها فلوس المخزن بالذل و الكذوب  وإلا  ما حشمتيش وخفتي مني نرفع عليك دعوة فقبرص.

وهيبة: صافي صافي أسي حاجب نبداو على بركة الله أنا الصوت والصورة عندي 10 على 10.

أمال: خخخخ قولي يالكدابة 11 على 11.  الصورة والصوت ولات واضحة منين صاحبك زيان كمل 11 شكاية…أنا مافهمتش كيفاش كان طايح معاك و مشى كيتحرش بعيالات الرجال حتى جابها فراسو..

وهيبة: بزاف عليك يا لمقطعة واش نتي جايا تعاونينا ولا جايا تهجريه لينا.

حاجب: الله يخليكم خليونا نبداو غادي يكون واحد الاجتماع مهم و مهم جدا فيناير 2023 فجنيف تحت إشراف الأمم المتحدة وخاص واحد فينا يحضر ليه..الموضوع هو الفساد الأمني شكون لي يقدر يمشي باش يعطي الشهادة ديالو ويحمر لينا وجهنا و يشوه المغرب.

أمال: ما نلقاوش أحسن من الضابطة وهيبة تبارك الله عليها عاطية للعين و كتعرف تهضر وكانت خدامة فالبوليس.

وهيبة: شكرا أستاذة أمال شفتي دابا عجبتيني هادشي علاش بغيناك فجنبنا. قولي لي شنو كتقتارحي  علي نقول فهاد الموضوع ديال الفساد الأمني فالمغرب.

حاجب: برافو أستاذة أمال هاكدا  نبغيوك.

المومني: برافو أستاذة أمال دابا حنا مزيانيين.

أمال: شكرا ليكوم كولكوم…أنا اقترحت وهيبة هي لي تمشي وتهضر فموضوع الفساد الأمني ف المغرب مادامت أن وهيبة كانت فالأمن و مادمت أنها كانت كتفسد  مع الرجال إذن هي لي تقدر تدير عرض ممتاز بعنوان مذكرات أمنية فاسدة خخخخخخخ حنا عندنا الما ونمشيو نقلبو على التيمم ماجاتش خخخخخ

وهيبة مارضاتش و نساحبات من الاجتماع …المومني تقطعات ليه لكونيسيون و حاجب بقا بوحدو تيفكر ويشوف و تيقول مع راسو “شي حاجة ماراكباش عندنا..لي حطينا  يدينا فيها كتخسر…واش أنا منحوس ولا منجوس..القضية فيه إن و إن كبيرة”…( يتبع).

شارك المقال إرسال
تعليقات الزوار ( 0 )

اترك تعليقاً

1000 / 1000 (عدد الأحرف المتبقية) .