تصورو مسؤول من طينة عبد اللطيف حموشي، المدير العام للأمن الوطني والمدير العام لمراقبة التراب الوطني، يوصل صباح اليوم 17 غشت 2026 لمحطة القطار بطنجة، وياخذ قطار العاشرة ديال الصباح بحال أي مواطن مغربي. بلا ضجيج وبلا بروتوكول وبلا استعراض، هاز محفظتو ومرافق عائلتو، وسط المسافرين اللي بقاو كيتبعو المشهد بإعجاب كبير.
حسب ما نقله أحد الركاب لموقع “شمال بريس”، الحموشي جلس فاللاونج مع المسافرين، بكل هدوء وبساطة، ومنين وصل وقت انطلاق القطار، طلع للعربة مع باقي المواطنين. مشهد بسيط فالشكل لكنه قوي فالمعنى، لأن المغاربة كيعرفو قيمة المسؤول اللي ما كتبدلوش المناصب، وما كتفصلوش المسؤولية على الناس.
الركاب اللي كانو فالمحطة عبرو على فرحتهم بهاذ الحضور الإنساني والعفوي. شي بغا يسلم عليه، وشي بغا ياخذ معاه صورة، وشي اكتفى بكلمة شكر وتقدير، وهو كيرد على الجميع بأدب وتواضع: “الله يكبر بيك”. هاد العبارة البسيطة كتختصر واحد الصورة اللي كيبغيها المغاربة فالمسؤول وهي القرب، الاحترام، والتواضع.
عبد اللطيف حموشي ماشي غير اسم أمني بارز، بل شخصية رسخت عند المغاربة صورة المسؤول الجدي والقريب، واللي كيمارس مهامو بكثير من الصمت والعمل. ومثل هاد المواقف اليومية كتزيد تقربو من قلوب المواطنين، لأنها كتأكد أن القيمة الحقيقية ماشي فالبروتوكول، ولكن فالأخلاق، والبساطة، وطريقة التعامل مع الناس.
تعليقات الزوار ( 0 )